Унда 4 йәштән 17 йәшкә тиклемге балалар ҡатнаша ала

Башҡортостан Республикаһының Мәғариф министрлығы, Көйөргәҙе районы башҡорттары ҡоролтайы Кинйә Арыҫланов исемендәге музей хеҙмәткәрҙәре менән берлектә башҡорт халҡы батыры Кинйә Арыҫланов иҫтәлегенә арналған район балалар һәм үҫмерҙәр ижадының иң ҙур ижади проектын тәҡдим итә. Конкурстың маҡсаты - үҫеп килгән быуында башҡорт халҡының милли геройы, Көйөргәҙе районында тыуып үҫкән Кинйә Арыҫланов миҫалында илһөйәрлек һәм ғорурлыҡ тойғоһо тәрбиәләү, балаларҙы һәм үҫмерҙәрҙе тарихи, мәҙәни һәм рухи мираҫҡа йәлеп итеү, балалар, үҫмерҙәр мөхитендә художестволы һәм техник ижадты популярлаштырыу, балалар һәм үҫмерҙәрҙең ижади үҙ-үҙен тормошҡа ашырыу өсөн шарттар булдырыу.

Конкурс 2024 йылдың ноябренән башлана. Финал Кинйә Арыҫлановтың тыуған яғында Кинйәабыҙ ауылында 2025 йылдың 28 мартында үтә. Унда  4 йәштән 17 йәшкә тиклемге балалар ҡатнаша ала.

• Төрлө йүнәлештә ижад итергә мөмкин (әҙәби хикәйә, әкиәт, мәҫәл, эсселарҙы сағыу уҡыу видеояҙмаһы).
• Тикшеренеү эше.
• “Декоратив ҡулланма сәнғәте” - аппликация, сигеү, яндырыу, ағасты һырлау, һылап яһау, техник композиция, диорама, төрлө материалдарҙан эшләнгән  макет һ.б.
• Һынлы сәнғәт - төрлө жанрҙа  һәм башҡарыу техникаһында акварель, гуашь, май, акрил, төҫлө ҡәләмдәр менән башҡарылған художестволы эштәр.
• Кинйә Арыҫланов музейына экскурсия – 2024-2025 уҡыу йылы дауамында бөтә белем биреү ойошмаларының музейға мотлаҡ.
• #фестивальКинзи2025#Кинйәарсланов2025 хэштегтары менән социаль селтәрҙәрҙә фотоһүрәттәрҙән видеояҙма урынлаштырыу мотлаҡ. Конкурсҡа Кинйә Арыҫланов тураһында әҫәрҙәр мотивы буйынса ижади эштәр йәки биографик ваҡиғаларын сағылдырған эштәр тәҡдим ителә.