Башҡортостандан уйын "Тыуған уйынсыҡ" Бөтә Рәсәй конкурсының ярымфиналына сыҡты

Ҡаралған 149 проекттан эксперт советы илдең 34 төбәгенән 62 иң яҡшы эште, шул иҫәптән Башҡортостан Республикаһынан «Читарики-звукарики» уҡытыу уйынын һайлап алды.

30 йыллыҡ стажы булған тәжрибәле педагог-психолог тарафынан эшләнгән «Читарики-звукарики» уйыны «Сюжетлы-образлы уйынсыҡ» номинацияһында тәҡдим ителә. Уның образлы ассоциациялар аша уҡырға өйрәтеүҙең уникаль методикаһы хәрефтәрҙең яңғырашын сағылдырған тауыш персонаждарын үҙ эсенә ала. Уйын комплектында уҡыу сюжеты менән китап, уйын майҙансыҡтары, хәреф-персонаждар менән карточкалар, өҫтәмә үҫеш материалдары һәм интерактив видео дәрестәр менән QR-кодтар бар.

Киләһе этапта ҡатнашыусыларға үҙ эшләнмәләренең эш прототиптарын партнер компаниялар оҫтаханаларында булдырырға тура киләсәк. Конкурстың финалы 2024 йылдың 1 сентябренә планлаштырылған, ул саҡта «Рәсәй» милли үҙәгендә Балалар уйындары һәм уйынсыҡтар фестивале үтәсәк.

- Ҡатнашыусыларҙы тематик лекциялар, оҫталыҡ дәрестәре һәм алдынғы эксперттарҙың сығыштары көтә. Фестивалдең үҙәге прототиптар күргәҙмәһе буласаҡ. Балалар һәм ата-әсәләр килеп сыҡҡан проекттарҙы һынап ҡарай һәм иң яҡшы уйынсыҡтар өсөн тауыш бирә ала. Еңеүселәрҙе билдәләгәндән һуң, конкурстың иң мөһим һәм уникаль этабы – етештереү һәм һатыу башланасаҡ, тип билдәләне «Белем» Йәмғиәтенең генераль директоры Максим Древаль.

«Тыуған уйынсыҡ» конкурсына Рәсәйҙең барлыҡ 89 төбәгенән йәмғеһе 28 мең ғариза бирелгән. 17-26 майҙа «Бәйләнештә» социаль селтәрендә үткән халыҡ тауыш биреүендә 46 мең ҡулланыусы ҡатнашты. Төрлө профилле 62 белгестән торған эксперт комиссияһы проекттарҙы күп критерийҙар буйынса баһалай.

Сығанаҡ: https://mgazeta.com/news/novosti/2025-06-02/igra-iz-bashkirii-vyshla-v-polufinal-vserossiyskogo-konkursa-rodnaya-igrushka-4260613