Тыуған яҡты өйрәнеү буйынса белемегеҙҙе тикшерегеҙ

Диктант тыуған яҡты өйрәнеү характерында һәм бөгөнгө Башҡортостан биләмәһе географияһының тарихи аспекттарын үҙ эсенә ала.

Һорауҙарҙың бер өлөшө Башҡортостан республикаһы географияһынан, уның территорияһы буйынса географик объекттарҙың урынлашыуынан һәм төбәктә рус география йәмғиәтенең үҫеш һәм эшмәкәрлек тарихынан факттарҙы белеүгә йүнәлтелгән. Мәсьәләләр тематикаһына дөйөм ҡараш рус география йәмғиәтенең йыллыҡ халыҡ-ара мәғрифәтселек акцияһы идеологияһына тап килә.

Үткәреү форматы интернет селтәрендә махсус сайтта онлайн режимында дистанцион ҡатнашыуҙы күҙ уңында тота. "Кесе географик диктант Башҡортостан" асыҡ мәғрифәтселек акцияһы булып тора - теләгән һәр кем, йәшенә, белеменә һәм йәшәгән урынына ҡарамай, Башҡортостан географияһы буйынса белемен тикшерә һәм арттыра ала. Диктантты тамамлаған һәр ҡатнашыусы йыйылған балл менән сертификат аласаҡ. Йөҙ балл йыйған тәүге йөҙ ҡатнашыусы ойоштороусыларҙан иҫтәлекле бүләктәр менән билдәләнәсәк.