Кампуста магистрҙар өсөн яңы программа булдырылды

Вуз-ара студенттар кампусы стеналарында урынлашҡан Өфө дәүләт нефть техник университетының климат һәм углерод эҙен күҙәтеү лабораторияһы тирә-яҡ мөхитте һаҡлау һәм нефть вузының тәбиғәт ресурстарын рациональ файҙаланыу кафедраһы менән берлектә климат мәсьәләләрен һәм экологик хәүефһеҙлекте тәьмин итеү өлкәһендә юғары һәм өҫтәмә һөнәри белем биреү программаһын тормошҡа ашыра.

Бында магистратураның «Углеродты көйләү һәм климат проекттары» тигән яңы программаһы асыла. Был программа углеродты көйләү, климат проекттары менән идара итеү, парник газдарын сығарыуҙы кәметеү стратегияларын эшләү һәм тормошҡа ашырыу, климат үҙгәреүе, экологик хәүефһеҙлек, күҙәтеү, аудитор һәм консалтинг эшмәкәрлеге менән бәйле хәүефте баһалау һәм идара итеү өлкәһендә белгестәр әҙерләүгә йүнәлтелгән.

Магистрҙар әҙерләүҙең яңы йүнәлешенә бөгөндән үк уҡырға инергә мөмкин. Урындар һаны һәм уҡыу формалары тураһында тулыраҡ мәғлүмәт менән Өфө дәүләт нефть техник университеты ҡабул итеү комиссияһының рәсми сайтында танышырға мөмкин.

Сығанаҡ: https://pravitelstvorb.ru/news/24510/