Төбәк студенттар медиаүҙәге асылды

Өфө фән һәм технологиялар университетында РФ Фән һәм юғары белем биреү министрлығының төбәк студенттар медиаүҙәген асыу тантанаһы үтте. Юғары уҡыу йортоноң тыуған көнөнә арналған сара «Траектория»ла - Студенттар үҫеше киңлегендә үтте.

Тантанала Башҡортостандың ете юғары уҡыу йорто, шулай уҡ ӨФһТУ-ның алты филиалы вәкилдәре ҡатнашты. Университет ректоры Вадим Захаров төбәк фәнен һәм мәғарифын үҫтереү өсөн проекттың мөһимлеген, шулай уҡ университетта үткәрелгән тикшеренеүҙәрҙе һәм проекттарҙы сифатлы яҡтыртыу кәрәклеген һыҙыҡ өҫтөнә алды.

Рәсәй Мәғариф һәм фән министрлығының Мәғлүмәт сәйәсәте һәм комплекслы хәүефһеҙлек департаменты директоры Андрей Толмачев билдәләүенсә, Төбәк медиаүҙәге – Рәсәйҙә бындай төрҙәге 32-се майҙансыҡ.

БР Матбуғат һәм киң мәғлүмәт саралары агентлығы етәксеһе һәм Өфө университетын тамамлаусы Максим Ульчев медиа өлкәһендә квалификациялы белгестәр етешмәү проблемаһын билдәләне һәм медиаүҙәк менән хеҙмәттәшлек итергә әҙер булыуын белдерҙе. Ул студенттарҙы сараларҙа ҡатнашырға һәм яңы журналистарҙы уҡырға, өйрәнергә саҡырҙы, үҙ-ара эш итеүҙең һәм тәжрибә уртаҡлашыуҙың мөһимлеген һыҙыҡ өҫтөнә алды.

Төшкө аштан һуң ҡатнашыусыларҙы бай белем биреү программаһы көтә ине.

Бөгөн иһә Евразия ғилми-белем биреү үҙәгенең вуз-ара студенттар кампусы майҙансығында Рәсәй Мәғариф һәм фән министрлығының Студенттар медиаүҙәгенең төбәк майҙансығының эшмәкәрлегенә һәм артабанғы үҫешенә арналған түңәрәк өҫтәл үтте.

Фото: ӨФһТУ-ның матбуғат хеҙмәте.

Сығанаҡ: https://mgazeta.com/news/novosti/2024-11-01/v-ufe-otkrylsya-regionalnyy-studencheskiy-mediatsentr-minobrnauki-rossii-3993031