Рәсәйҙә "Фән. Геройҙар биләмәһе" конкурсы старт алды

"Фән. Геройҙар биләмәһе" фәнни-популяр конкурсы Рәсәйҙең Милли проекттары ярҙамында үткәрелә. Проекттың маҡсаты - профилле уйынға йәлеп итеп, йәштәрҙең һәм үҫмерҙәрҙең заманса фәнгә ҡыҙыҡһыныуын көсәйтеү, ғалим һөнәре менән таныштырыу, уның ысын әһәмиәтен күрһәтеү һәм ҡыҙыҡһынған йәштәргә карьера потенциалын үҫтерергә ярҙам итеү.

Ярышта 10-22 йәшлек уҡыусылар һәм студенттар ҡатнаша ала. Конкурс биш этапта үтәсәк, уларҙың һәр береһе өс төр заданиены үҙ эсенә ала. 

Ҡатнашыусылар герои.наука.рф платформаһында теркәлә ала. Унда Рәсәй ғалимдарының фәнни ҡаҙаныштары һәм асыштары тураһында мәҡәләләр һәм видеоэкскурсиялар урынлаштырылған. Ҡатнашыусылар махсус заданиеларҙы үтәйәсәк һәм тематик квиздар һәм квестар үтәсәк.

Конкурстың беренсе этабы — 31 октябрҙән 20 ноябргә тиклем, икенсеһе — 21 октябрҙән 11 декабргә тиклем, өсөнсөһө 12-18 декабрҙә үтә. 21-29 декабрҙә ярымфинал уҙа. Финал Рәсәй фәне көнөндә - 2025 йылдың 8 февралендә - Н.Э. Бауман исемендәге Мәскәү дәүләт техник университетының яңы кампусы базаһында үтәсәк.

Конкурстың өс еңеүсеһе илдең алдынғы ғилми-белем биреү үҙәктәрендә стажировка үтәсәк һәм Рәсәйҙең иң эре юғары уҡыу йорттарының береһенә — Н.Э. Бауман исемендәге Мәскәү дәүләт техник университетына уҡырға ингәндә өҫтәмә балл аласаҡ.

2024 йылда "Фән. Геройҙар биләмәһе" конкурсында 23 меңдән ашыу уҡыусы һәм студент ҡатнашты, ә 15 кеше финалға сыҡты. Фән конкурсының дүртенсе миҙгелендә еңеүселәрҙең береһе Наталья Ершова "Фән һәм университеттар" милли проекты буйынса ойошторолған донъя кимәлендәге Евразия ғилми-белем биреү үҙәгендә стажировка үтте.

"Фән. Геройҙар биләмәһе" конкурсында ҡыҙ өсөнсө йыл ҡатнаша. Уның һүҙҙәренсә, һәр миҙгелдә заданиелар ҡыҙыҡлыраҡ була бара, ә конкуренция арта, был, һис шикһеҙ, фәнни өлкәлә үҙ-үҙеңде үҫтереүгә этәргес бирә. Тиҙҙән Наталья үҙенең беренсе ғилми мәҡәләһен баҫтырасаҡ, бының өсөн конкурсҡа рәхмәт белдерә.

Фото: БР Хөкүмәтенең матбуғат хеҙмәте.