Киләсәккә баҫҡыс: вуз-ара кампуста кадрҙар тураһында ҡайғырталар

12 ноябрҙә Өфөлә «Киләсәккә лифт: талантлы белгесте нисек асыҡларға, тәрбиәләргә һәм эш биреүсегә йәлеп итергә» VOSTOK дискуссия клубының күсмә ултырышы үтәсәк. Сарала ҡатнашыусылар өҙлөкһөҙ карьера траекторияһын үҫтереүгә булышлыҡ итеүсе ярҙам саралары, профессиональ үҫеш юлында шәхси потенциалды тормошҡа ашырыу ысулдары, фән һәм мәғариф өлкәһендә таланттарҙы асыҡлау һәм үҫтереү менән бәйле мәсьәләләрҙе хәл итеүҙә коммерцияға ҡарамаған ойошмаларҙың роле һәм мөмкинлектәре тураһында беләсәк.

Ултырыш сиктәрендә Рәсәй Федерацияһының фән һәм юғары белем биреү министры урынбаҫары Ольга Петрова һәм Йәштәр эштәре буйынса федераль агентлыҡ етәксеһе Григорий Гуров сәләмләү һүҙе менән сығыш яһаясаҡ. Сара спикерҙары араһында - Рәсәйҙең алдынғы коммерцияға ҡарамаған ойошмалары етәкселәре, бизнес һәм дәүләт власы органдары вәкилдәре.

Сара 12 ноябрҙә 14.00 сәғәттә Вуз-ара студенттар кампусы майҙансығында (Өфө ҡалаһы, Зәки Вәлиди урамы, 32/2, 6-сы ҡат, "Циолковский" залы) үтә.

Сығанаҡ: https://pravitelstvorb.ru/news/25403/