Ғалимдар ағастарҙың кешегә тәьҫирен өйрәнә

Өфө фән һәм технологиялар университетының экосистемалар һәм йәшел инфраструктура лабораторияһы Көньяҡ-Урал ботаника баҡсаһы менән берлектә ҡала шарттарында йәшел мөхиттең кешенең психоэмоциональ һәм когнитив һаулығына йоғонтоһон тикшерә башланы. Вуз-ара кампуста урынлашҡан яңы лаборатория Рәсәй Федерацияһы Фән һәм юғары белем министрлығының «Өҫтөнлөк - 2030» стратегик проектына ярашлы булдырылған.

- Беҙҙең лабораторияның бурысы – ҡалалағы йәшел инфраструктураның оҙайлы ғүмер мөхитен булдырыуҙың төп факторы булараҡ үҫтереү мәсьәләләре буйынса заманса дисциплина-ара ғилми-белем биреү майҙансығы булдырыу, - ти Өфө фән һәм технологиялар университетының Экосистемалар һәм йәшел инфраструктура лабораторияһы етәксеһе Мария Лебедева. - Бөгөн беҙ амбициялы маҡсат ҡуйҙыҡ – йәшел мөхиттең ҡала шарттарында кешенең психоэмоциональ һәм когнитив һаулығына тәьҫирен өйрәнеү.

Көньяҡ Урал ботаника баҡса-институты нигеҙендәге эштә Тәбиғәт һәм кеше институты студенттары һәм аспиранттары ҡатнаша.  

Белешмә өсөн

Евразия ғилми-белем биреү үҙәгенең вуз-ара студенттар кампусын төҙөү РФ Президенты ҡушыуы һәм Рәсәй Фән һәм юғары белем министрлығының «Фән һәм университеттар» милли проектын тормошҡа ашырыуға ярашлы алып барыла. Өфө кампусы проекты – ул 4,3 мең кешегә иҫәпләнгән торлаҡ биналары, уҡыу-ғилми комплексы, лабораториялар, эшлекле зоналар, магазиндар, уңайлы скверҙар һәм башҡа уңайлы ҡала мөхите объекттарын берләштергән студенттар киңлеге.

Сығанаҡ: БР Хөкүмәте сайты.