"Рәсәйҙең 17 ҡиммәте" медиаэстафетаһы үтә

Өфө университеты 20-21 мартта «Рәсәйҙең 17 ҡиммәте» медиаэстафетаһы үтәсәк өсөнсө майҙансыҡҡа әйләнәсәк. Был ҡиммәттәр Рәсәй Президентының 2022 йылдың ноябрендә сыҡҡан Указында нығытылған. Улар – тормош, абруй, кеше хоҡуҡтары һәм азатлығы, илһөйәрлек, Ватанға хеҙмәт итеү, ныҡлы ғаилә, тарихи хәтер, быуындар күсәгилешлелеге, Рәсәй халыҡтары берҙәмлеге һ.б.

Өфөләге медиафорум «Юғары әхлаҡи идеалдар» темаһына фекер алышыу үҙәге буласаҡ. Студент киң мәғлүмәт саралары йәштәр араһында ҙур һорау менән файҙаланған контент аша тематик роликтар йәки плакаттар төшөрөп, уларҙы социаль селтәргә һалырға ниәтләй.

Медиаэстафетаның программаһында фекер алышыу, асыҡ диалогтар, интерактив уйындар, лекциялар һәм оҫталыҡ дәрестәре, Өфөнөң тарихи үҙәге буйлап экскурсия һәм Өфө университеты музейҙарына барыу, командаларҙың остаздар менән эше ҡаралған. Сараларҙың модераторҙары һәм спикерҙары булып министрлыҡтар, ведомстволар һәм юғары уҡыу йорттары вәкилдәре, медиаиндустрия өлкәһендәге белгестәр, билдәле журналистар сығыш яһай. Бөтә ҡатнашыусылар-командалар араһынан икәүһе Санкт-Петербург форумы йомғаҡтары буйынса номинацияларҙа иң яҡшылары тип танылды.

Ике көнлөк сара эстафетаны Төньяҡ-Кавказ федераль университетына тапшырыу тантанаһы һәм Башҡортостан студенттарының медиаүҙәктәре етәкселәрен һәм «Юғары әхлаҡи идеалдар» ҡиммәте буйынса медиафорум активистарын бүләкләү менән тамамлана.

- Беҙҙә ошондай мөһим һәм көнүҙәк сара уҙғарылыуына бик шатбыҙ. Уҙған йылда Өфө фән һәм технология университетында Рәсәй Мәғариф һәм фән министрлығы ҡарамағындағы студенттар медиаүҙәгенең Башҡортостан Республикаһы буйынса төбәк майҙансығын астыҡ, шуға күрә уртаҡлашырлыҡ тәжрибәбеҙ һәм ресурстарыбыҙ бар, - тип билдәләне Өфө университеты ректоры Вадим Захаров.

Белешмә өсөн:

Иҫегеҙгә төшөрәбеҙ, Президент Владимир Путин ҡушыуы буйынса Рәсәйҙә заманса кампустар селтәре булдырыла. «Фән һәм университеттар» милли проекты ярҙамында ошондай 17 студент ҡаласығын проектлау һәм төҙөү башланды. 2030 йылға кампустар һаны – 25-кә, 2036 йылға 40-ҡа етәсәк. 2025 йылдан «Заманса кампустар селтәрен булдырыу» федераль проекты «Йәштәр һәм балалар» милли проекты ярҙамында тормошҡа ашырыла. Өфөләге вуз-ара кампус проекты - 4,3 мең кешегә иҫәпләнгән торлаҡ биналары, уҡыу-ғилми комплексы, лабораториялар, эшлекле зоналар, магазиндар, уңайлы скверҙар һәм башҡа уңайлы ҡала мөхите объекттары менән студенттар киңлеге ул.

Сығанаҡ: pravitelstvorb.ru