Вуз-ара кампус резиденттары Рәсәй форумының фәнни партнерҙары була

Вуз-ара кампус резиденттары Рәсәй нефть һәм газ химияһы форумының һәм 33-сө "Нефть. Газ. Технологиялар" халыҡ-ара күргәҙмәһенең ғилми партнерҙары булып сығыш яһай.  

Саралар 2025 йылдың 20-23 майында «ӨФӨ ЭКСПО» күргәҙмә комплексында үтәсәк. Форум сиктәрендә пленар ултырыш һәм 56-нан ашыу тематик саралар: панель дискуссиялар, халыҡ-ара конференциялар, йәштәр өсөн майҙансыҡтар эшен үҙ эсенә алған бай программа планлаштырылған. Кадрҙар һәм биотехнологиялар әҙерләүҙән алып технологик суверенитет һәм халыҡ-ара хеҙмәттәшлеккә тиклем мәсьәләләрҙең киң спектры тикшереләсәк.

Форумдың 26 сараһын Һәм фекер алышыуҙарҙың байтаҡ өлөшөн Вуз-ара кампус резиденты, Өфө дәүләт нефть техник университеты ойоштора. Касди Мерба Уаргла университеты (Алжир) һәм Бағдад университеты (Ираҡ) ярҙамында Өфө дәүләт нефть университеты «Углеводород потенциалын үҙләштереү – йәшел технологиялар» тигән икенсе халыҡ-ара конференция үткәрә. Айырым секциялар аҙ тоннажлы химия, биохимия һәм биотехнологиялар үҫешенә арналасаҡ.

Белгестәр шулай уҡ импортты алмаштырыу, декарбонизация технологиялары, нефть-газ тармағы предприятиелары өсөн электр ҡорамалдары баҙары, нефть-газ ҡорамалдарын һәм үткәргес торбаларҙы коррозиянан һаҡлау, экологик хәүефһеҙлек, алдынғы инженерлыҡ ҡарарҙары, һаҡсыл етештереү һәм башҡа мәсьәләләрҙе тикшерәсәк.

Бынан тыш, ӨДНТУ углерод материалдары буйынса «Сюняев уҡыуҙары» конференцияһын ойоштороусы булып сығыш яһаны.

Кампустың икенсе резиденты, Өфө фән һәм технологиялар университеты вәкилдәре оптик сүс технологияларын промысла геофизикаһында ҡулланыу перспективалары буйынса түңәрәк өҫтәл, шулай уҡ нефть-газ ҡатламдарын геологик-геофизик тикшереү темаһына конференция үткәрәсәк.

Күргәҙмә комплексы залдарында һәм Форумдың асыҡ майҙанында нефть һәм газ химияһы тармағының яңы эшләнмәләре һәм ҡаҙаныштары менән танышырға мөмкин. Экспозицияла Рәсәйҙең 40 төбәгенән һәм сит илдәрҙән (Ҡытай, Беларусь Республикаһы, Көньяҡ Корея) 350 компания ҡатнаша. Рәсәй Нефть һәм газ химияһы форумында Рәсәйҙең 30 төбәгенән 500 федераль һәм төбәк спикеры һәм 10 сит ил вәкиле ҡатнашасаҡ.

Сығанаҡ: https://pravitelstvorb.ru/news/26758/