Яугир ярҙам өсөн рәхмәтле

Ҡырмыҫҡалы районынан Ленар Шәрипов махсус хәрби операцияла ҡатнашып, ауыр яралана һәм сәләмәтлегенә ныҡлы зыян килә.

Мөмкинлектәре сикләнгәнлектән, “Ватан һаҡсылары” дәүләт фонды белгестәре Ғәлиә Бикбаева менән Роза Кириллова уға йортон төҙөкләндереүҙә ярҙам тәҡдим итә.

Һөҙөмтәлә 500 мең һумдан ашыулыҡ суммаға эштәр башҡарыла – ишектәр алыштырыла, мөмкинлектәре сикләнгән кешегә яраҡлаштырылған аш-һыу бүлмәһе гарнитуры, йыуыныу кабинаһы ҡуйыла, үҙе эшләүсе саң һурҙырғыс, аҡыллы колонка, идара итеү өсөн планшет, комьпютер өҫтәле алына.

Ғәлиә Наил ҡыҙы әйтеүенсә, был төр ярҙамға яу ҡырында яраланған хәрби хәрәкәттәр ветерандары ысын мәғәнәһендә лайыҡлы.

Фото - Ҡырмыҫҡалы районы хакимиәте сайтынан