Уңайлы булһын өсөн

‎"Ватанды һаҡлаусылар" дәүләт фонды филиалының социаль координаторы Ғәлиә Бикбаева һәм район хакимиәте вәкилдәре составындағы комиссия һаулыҡ мөмкинлектәре сикле булған яугир-ветерандарҙың йорттарында булып, уларҙың хәлдәрен белде.

Был осрашыуҙарҙың төп маҡсаты - геройҙарыбыҙҙың көнкүрешен шарттарының уларҙың физик мөмкинлектәренә яраҡлаштырылған һәм уңайлы булыуын тикшереү. ‎

‎- Беҙ өс ветераныбыҙҙың йортонда булдыҡ, уларҙың йәшәү шарттары менән таныштыҡ, аралаштыҡ һәр борсоған һорауҙарына яуап бирергә тырыштыҡ, - ти Ғәлиә Бикбаева. ‎

‎Киләсәктә был ветерандарҙың өйҙәрендә "аҡыллы йорт" системаһын урынлаштырыу, эш өҫтәле һәм ноутбук менән тәьмин итеү, санузелды йыһазландырыу планлаштырыла. ‎Ошо йүнәлештә һорауҙарға яуап алыу өсөн "Ватанды һаҡлаусылар" фондына мөрәжәғәт итергә кәрәк. ‎

Фото: Ҡырмыҫҡалы район хакимиәте.