Мәләүез ере батырлыҡ биләмәһенә әүерелде

Бөгөн районда «Минең кесе Ватаным - Атайсал» муниципаль форумы үтә. Сараның программаһына ярашлы төрлө урында тематик майҙансыҡтар эшләй.

Уларҙың береһе Мәскәү дәүләт технология һәм идаралыҡ университеты филиалында ойошторолдо. Форумға саҡырылған ҡунаҡтар уҡыу йортоноң фойеһында хәрби-илһөйәрлек темаһына бағышланған бай күргәҙмә менән танышты, «Мәләүез ере - батырлыҡ биләмәһе. Илһөйәрҙәр үҫтерәбеҙ» тип исемләнгән майҙансыҡҡа йыйылып, киләсәк быуында ватансылыҡ, тоғролоҡ, Тыуған илгә һөйөү кеүек изге тойғолар тәрбиәләү хаҡында фекер алышты, ошо йүнәлештә эш алып барғандар үҙ тәжрибәһе менән уртаҡлашты.