Радий Хәбиров МХО яугирҙәре менән осрашты

Яугирҙәр әле яраланғандан һуң отпускыла булыуҙары, хәрби госпиталдәрҙә дауаланыу үтеүҙәре тураһында һөйләне. Кәрәк булғанда республика хәрби хеҙмәткәрҙәрҙе өҫтәмә реабилитациялауға ярҙам итергә әҙер, тип билдәләне Башҡортостан Башлығы. Үҙ сиратында яугирҙәр республика дауаханаларында дауалауҙы ойоштороу мәсьәләһен ҡарау үтенесе менән мөрәжәғәт итте. Республика Һаулыҡ һаҡлау министрлығы һәм хәрби комиссариат менән берлектә кәңәшмә үткәрәсәген билдәләне төбәк етәксеһе. Осрашыуҙа хәрбиҙәр республика етәкселегенә һәм яҡташтарына гуманитар йөк ебәргәндәре өсөн рәхмәт белдерҙе.

Махсус хәрби операция башланғандан алып Башҡортостан Донбассҡа 138 гумконвой ебәргән. Радий Хәбиров шулай уҡ яугирҙәрҙең ғаиләләренең нисек йәшәүе, уларға өҫтәмә ярҙам кәрәкме-юҡмы икәнлеге менән ҡыҙыҡһынды. Хәрби хеҙмәткәрҙәр билдәләүенсә, был йәһәттән бер ниндәй ҙә һорауҙар юҡ. Улар ғаиләләренә иғтибар һәм ярҙам күрһәткәндәре өсөн рәхмәт белдерҙе. Осрашыу аҙағында Башҡортостан Башлығы һәр муниципалитетта һәләк булған яҡташтарҙың иҫтәлеген мәңгеләштереү буйынса эш алып барылыуын билдәләне. Өфөлә ҙур мемориаль комплекс барлыҡҡа  киләсәк

– Беҙҙең бурыс - баһадирҙарҙың батырлығын иҫтә тотоу, - тип йомғаҡ яһаны Радий Хәбиров.

https://vk.com/away.php?to=https%3A%2F%2Fglavarb.ru%2Frus%2Fpress_serv%2Fnovosti%2F186807.html&el=snippet