"Геройҙар ваҡыты" концертына ҡатнашыусылар килә

Армия мәҙәниәте көндәрендә, 26 һәм 27 августа, Өфөнөң Совет майҙанында IV «Геройҙар ваҡыты» Бөтә Рәсәй асыҡ патриотик йыр конкурсы сиктәрендә концерттар үтәсәк.

Иң йәш ҡатнашыусы булып Һарытауҙан Елизавета Саксельцева сығыш яһай. Уға ни бары 12 йәш, ә уның йөрәгендә тыныслыҡ тураһында хыял йәшәй. Был сибек кенә ҡыҙ үҙенең йыры менән өлкәндәрҙең йөрәгенә барып етеп, «Беҙҙең бәләкәй планета»ны ҡотҡарырға теләй. Уның йыры тап шулай атала.

"Конкурста ҡатнашып, мин был турала һөйләргә булдым, кешеләр бер-береһенә ҡарата изгелекле булһын һәм бөтә планетала тыныслыҡ урынлашһын өсөн", - ти Лиза.

Уның йыры абстракт фантазияларҙан түгел, ә ҡаты ысынбарлыҡтан барлыҡҡа килгән. "Һарытауға дрондар килә. Бер ваҡыт минең өйөм янында шартлау яңғыраны, бик ҡурҡыныс булды, — тип уртаҡлаша ҡыҙ. - Тыуған илемде яратам. Хатта донъя сигенә китһәм дә, барыбер кире ҡайтыр инем. Һарытауҙа минең өйөм, ғаиләм, дуҫтарым. Уларһыҙ нисек йәшәр инем, белмәйем".

Лизаның үҙенең инде дүрт йыры бар. Һүҙҙәрҙе лә, музыканы ла ҡыҙ үҙе яҙа. Ул тулҡынландырғыс юлдарҙы уҡый:

Беҙҙең бәләкәй планета йөрәк кеүек борсолоп тибә.
Беҙҙең бәләкәй планета хәҙер көлмәй бит.
Уның өҫтөндә элеккесә йондоҙ, элеккесә ҡояш,
Ләкин бында кешеләр бер-береһенә сит.

Фото: фестивалдең ойоштороу комитетынан.