Өфө музыканты Ольга Кормухинаға азатлыҡ тураһындағы йыр яҙмаһын тапшырҙы

Йырсы Ольга Кормухина Башҡортостандың баш ҡалаһында Армия мәҙәниәте көндәре сиктәрендә концертта сығыш яһаясаҡ «Геройҙар ваҡыты» конкурсында ҡатнашыусылар менән осрашты. Әммә билдәле артистка менән ижади осрашыуға теләгән һәр кем килә алды. Мәҫәлән, Өфөнән Станислав Никоненко Ольга Борисовна менән аралашып ҡына ҡалманы, шулай уҡ уға «Крипто» төркөмөнөң «Көмөш тәре» тигән яңы йырының яҙмаһын да тапшырҙы.

Стас Өфө меломандарына яҡшы билдәле - быға тиклем ул «Никола Стасюк» командаһы лидеры булды.

- Беҙ музыканттар менән «Көмөш тәре» композицияһын яҙҙырҙыҡ һәм яҡындарыбыҙ һәм дуҫтарыбыҙ аша МХО зонаһына ебәрҙек. Яуап итеп күп ыңғай баһалар алдыҡ. Ҡайһы берәүҙәр йырҙы күҙ йәштәре аша тыңлай. Беҙгә композиция Ольга Кормухинаға тура килә кеүек тойолдо, шуға күрә ижадыбыҙҙы күрһәтергә ҡарар иттек.

Әйткәндәй, йырсы Евгения Елизарова-Сафинаның вокалын яҙҙырғанда, тауыш режиссеры менән бер уйға килгәнбеҙ: икебеҙгә лә Евгенияның вокалы Ольга Борисовнаның тауышына оҡшаш кеүек тойолдо.

Иҫегеҙгә төшөрәбеҙ, Ольга Кормухина Өфөгә Армия мәҙәниәте көндәренә арналған быйыл дүртенсегә уҙған «Геройҙар ваҡыты» Бөтә Рәсәй асыҡ патриотик йыр конкурсының жюри рәйесе сифатында килгәйне.

Бөгөн Өфөнөң Совет майҙанында, 18.00 сәғәттә уның иң яҡшы ҡатнашыусыларының концерты башлана.

Фото: ойоштороу комитетынан.