+20 °С
Облачно
Геройҙар дәүере
28 Апреля , 17:00
МХО ветерандары араһында иң яҡшы профессионалдар иғлан ителәсәк
Был “Һөнәре буйынса иң яҡшыһы” конкурсы йомғаҡтарына ҡағыла.
МХО ветерандары араһында иң яҡшы профессионалдар иғлан ителәсәк
15 майҙа Башҡортостанда “Икенсе старт” номинацияһы буйынса “Һөнәре буйынса иң яҡшыһы” Бөтә Рәсәй һөнәри оҫталыҡ конкурсының төбәк этабы үтәсәк.
Махсус номинация МХО ветерандары өсөн тәғәйенләнгән һәм ҡатнашыусыларҙы киң һөнәрҙәр буйынса саҡыра. Көҙгөһөн конкурстың төбәк этабында еңеүсе беренсе урынға һәм төп аҡсалата приз – федераль этапта бер миллион һум өсөн көрәшәсәк. Конкурс “Кадрҙар” милли проекты ярҙамында үткәрелә.
– "Икенсе старт" – эш менән шөғөлләнеүселәр һәм һөнәри ҡаҙаныштар тураһында һөйләй алыусылар өсөн бик яҡшы стимул. Конкурс яугирҙәребеҙҙе тыныс тормошҡа ҡайтарыу өсөн һөҙөмтәле механизм буласаҡ. Ветерандарҙы һәм 21 йәштән өлкән хәрби операцияла ҡатнашыусыларҙы көтәбеҙ. Улар ялланған хеҙмәткәрҙәр, шәхси эшҡыуарҙар йәки үҙмәшғүлдәр булыуы мөмкин, – тип һөйләне Башҡортостандың ғаилә, хеҙмәт һәм халыҡты социаль яҡлау министры Ольга Кабанова.
Конкурс теоретик белемде, практик заданиеларҙы тикшереүҙе үҙ эсенә алған һынауҙар серияһынан ғибәрәт. Һынауҙар ярыштар майҙансығында ла, дистанцион рәүештә лә үтәсәк. Ҡатнашыусылар видеоролик йәки электрон презентация тәҡдим итә.
“Рәсәй эше” сайтында 5 майға тиклем “Икенсе старт” номинацияһы буйынса конкурстың төбәк этаптарына ғариза бирергә мөмкин.
Конкурста ҡатнашыусылар араһында төбәк этабы 15 майҙа Өфөлә донъя кимәлендәге Евразия фәнни-белем биреү үҙәгенең Вуз-ара студенттар кампусы базаһында үтәсәк. “Һөнәре буйынса иң яҡшыһы” конкурсының “Икенсе старт” номинацияһында еңеүсе октябрь башында һамар өлкәһендә конкурс финалсылары араһында республика исеменән сығыш яһай.
Фото: архивтан.
