Республика Башлығына программа өсөн рәхмәт белдерҙеләр

📸 Фотоһүрәттәрҙә – Ишембай ҡалаһының Лермонтов һәм Машина төҙөүселәр урамдары киҫелешендәге ихата биләмәһе. Эш сәфәре барышында Радий Хәбиров бында башҡарылған эштәр менән танышты, урындағы халыҡ менән аралашты.

💯 Дүрт күп фатирлы йортто берләштергән майҙансыҡ 2023 йылда «Башҡорт ихаталары» республика программаһы сиктәрендә төҙөкләндерелгән. Республика конкурсының «Иң яҡшы йорт яны биләмәһе» номинацияһында еңеүсе тип табылған был ихатала:

✅ автотранспорт үтеү өсөн юлдар ремонтланған һәм киңәйтелгән;

✅ машиналар ҡуйыу урыны һәм йәйәүлеләр өсөн юлдар төҙөкләндерелгән;

✅ заманса йыһазландырылған резина япмалы балалар һәм спорт майҙансыҡтары ҡуйылған;

✅ майҙансыҡтар ҡойма менән уратып алынған, йәшелләндереү эштәре башҡарылған.

🙌🏻 Был йорттарҙа йәшәүселәр республика Башлығына программа өсөн рәхмәт белдерҙе, шулай уҡ үҙҙәрен борсоған һорауҙар менән мөрәжәғәт иттеләр. Улар ихатаға Уральская урамы яғынан инеү юлын ремонтлауҙы һәм йорттар артындағы шәхси төҙөлөштәр урынлашҡан биләмәне төҙөкләндереүҙә ярҙам һораны. Башҡортостан Башлығы муниципалитетҡа был мәсьәләләрҙе хәл итергә ҡушты.

📌 «Башҡорт ихаталары» программаһы сиктәрендә 2019 йылдан барлығы 1 532 ихата биләмәһе төҙөкләндерелгән. Быйыл 33 муниципалитетта тағы ла 143 ихата тәртипкә килтерелә.