Еңеү менән ҡайтығыҙ, яҡташтар!

Ошо көндәрҙә Башҡортостандың халыҡ артисы Артур Туҡтағолов яңылыҡ менән бүлешкән: ул өр-яңы йыр яҙған һәм уға видеоклип эшләгәндәр.

Һүҙҙәрҙең авторы – Даян Теүәлбаев, көйөн Артур Туҡтағолов яҙған. Йыр ике телдә – русса һәм башҡортса яңғырай.

Артур Бәҙри улы әйтеүенсә, был йыр илебеҙҙе яҡларға киткән ир-егеттәребеҙгә бағышлана.

“Яҡташтарыбыҙҙың һәммәһе тыуған яҡтарыбыҙға иҫән-hау еңеү менән ҡайтһын! Беҙ улар өсөн борсолабыҙ, көйәбеҙ һәм һәр саҡ изге теләктәрҙә ҡалабыҙ!”, - ти йырсы һәм композитор.

Ватансылыҡ рухы менән һуғарылған йыр “Беҙ ҡайтырбыҙ!” тип атала.

Фото һәм видео: Артур Туҡтағолов.