Һауа шарттары үҙгәреү сәбәпле, юл хеҙмәттәре юғары әҙерлек тәртибенә күсте. Юлдағы хәлгә контроллек итеү өсөн Юл хужалығы идаралығындағы хәл-шарттар үҙәге, “Урал буйы” идаралығының һәм “Башкиравтодор”ҙың диспетчерлыҡ хеҙмәттәре тәүлек әйләнәһенә эшләй.
Әле юл таҙартыуға һәм эшкәртеүгә 700 берәмектән ашыу техника йәлеп ителгән, шуның 176-һы – федераль әһәмиәттәге, 408-е – төбәк әһәмиәтендәге, Өфө буйынса – 164 бермек. Уларҙың барыһы ла ГЛОНАСС системаһы менән йыһазландырылған.
Юлдың ҡатмарлы участкаларына ҡом-тоҙ ҡатнашмаһы менән 654 йәшник ҡуйылған, шулай уҡ был урындарҙы урап үтеү маршруты билдәләнгән, автотранспортты ваҡтлыса ҡуйыу өсөн майҙансыҡтар билдәләнгән.
Ҡыш федераль трассаларҙы таҙартыуға 232, ә төбәк һәм муниципаль-ара юлдарға тағы ла 1388 берәмек техника йәлеп итеү күҙаллана. Ҡалаларҙың техник парктарында 849 машина иҫәпләнә.
– Ҡышҡы осорҙа юлдар айырым контролдә тотола. Юл хеҙмәттәре тәүлек әйләнәһенә эшләй. Тәү сиратта автомобилдәр күп йөрөгән төбәк трассаларын, артабан муниципаль-ара юлдарҙы ҡарҙан таҙарталар һәм боҙлауыҡҡа ҡаршы эшкәртәләр, – тине республиканың Юл хужалығы идаралығы етәксеһе Артем Шамхалов.
Тәүлек әйләнәһенә эшләгән дежур-диспетчерлыҡ хеҙмәттәренең телефондары:
Ашығыс хеҙмәттәрҙе саҡырыуҙың берҙәм телефоны: 112
“Урал буйы” идаралығы: +7(347) 286-07-18, 8-917-046-79-53
Башҡортостандың Юл хужалығы идаралығы: 8-927-355-11-00
“Башкиравтодор” йәмғиәте: 8(347) 262-52-00; +7 927 950 59 59
Өфөнөң коммуналь хужалыҡ идаралығы: +7(347)-273-39-94
Фото: transport.bashkortostan.ru
Сығанаҡ: transport.bashkortostan.ru