Яңы программа халыҡтың тормош кимәлен күтәрәсәк

Рәсәйҙә оҙайлы һаҡлыҡҡа аҡса һалыу программаһы барлыҡҡа киләсәк - Дәүләт Думаһы депутаттары тәүге уҡыуҙа тейешле закон проектын хупланы. 2024 йылдың 1 ғинуарынан рәсәйҙәр дәүләттән финанс ярҙам алыу мөмкинлегенә эйә. Эш шунда: программала ҡатнашыусы аҡса һала, ә дәүләт һалынған аҡсаны өҫтәп финанслай.

Һаҡлыҡҡа йыйылған аҡса оҙайлы ваҡытҡа – 15 йылға тиклем һалына. Улар үҙаллы иғәнәләр, шулай уҡ пенсия аҡсалары иҫәбенә булдырыла. Программала ҡатнашыусы йыл һайын НДФЛ-ды кире ҡайтарыу иҫәбенә 52 мең һумға тиклем өҫтәмә килем аласаҡ. Ә күсерелгән аҡса дәүләт тарафынан 2,8 миллион һум суммаға страховкалана.

Был программа Владимир Путиндың ҡушыуы буйынса әҙерләнгән.

– Оҙайлы һаҡлыҡҡа йыйылған аҡсалар программаһы граждандарға киләсәктә финанс тотороҡлолоғоноң өҫтәмә гарантияларын булдырырға һәм алырға мөмкинлек бирәсәк, - тип билдәләне Рәсәйҙең финанс министры Антон Силуанов, Рәсәйҙең финанс министры.

Иҡтисад фәндәре докторы, Башҡортостандың Мәғарифты үҫтереү институты ректоры Азат Йәнгиров оҙайлы һаҡлыҡҡа йыйылған аҡса программаһы - ил халҡының көнкүрешен планлы рәүештә яҡшыртырға мөмкинлек биргән бик етди ҡорал, тип билдәләне.

– Шул уҡ ваҡытта беҙҙең иҡтисад инфраструктура проекттарына, мегапроекттарға аҡса һалырға һәм Рәсәй иҡтисады үҫеше өсөн импульс формалаштырырға мөмкин булған оҙайлы сроклы ресурстар аласаҡ, – тине Азат Йәнгиров.

Фото: isetsk-72.ru