Лабораториянан баҙарға тиклем: Вуз-ара кампуста бизнес үҙе өсөн нимә тапты

Халыҡ-ара бизнес аҙналығы сиктәрендә Евразия ғилми-белем биреү үҙәгенең Вуз-ара студенттар кампусы базаһында "Бизнес һәм фәндең асыҡ диалогы. Бизнесты үҫтереү ҡоралы булараҡ инновацион белем биреү мөхите (кампустар) стандарты" дискуссияһы уҙҙы. Ҡатнашыусылар университеттар һәм компанияларҙың бергәләп яңы продукттар һәм технологиялар булдырыуы һәм уларҙы баҙарға сығарыуы тураһында фекер алышты.

Түңәрәк өҫтәлдә республиканың дүрт алдынғы юғары уҡыу йортон үҫтереү программалары командалары – Башҡорт дәүләт аграр университеты, БДМУ, ӨДНТУ, ӨФһТУ һәм бизнес вәкилдәре йыйылды. Һүҙ фәнни тикшеренеүҙәр һөҙөмтәләренең тармаҡтар һәм төбәк иҡтисады ихтыяждарына ниндәй күләмдә яуап биреүе, үҙ-ара эш итеүгә ниндәй кәртәләр ҡамасаулауы һәм кооперацияның тотороҡло механизмдарын төҙөү тураһында барҙы.

Евразия ғилми-белем биреү үҙәгенең Вуз-ара студенттар кампусындағы сессия халыҡ-ара бизнес аҙналығының төп майҙансыҡтарының береһе булып торҙо, унда практиктар һәм эксперттар университет кампустарын төбәктә юғары технологиялы эшҡыуарлыҡ өсөн реаль үҫеш нөктәләренә нисек үҙгәртеү тураһында фекер алышты.

БЕЛЕШМӘ. 

2022 йылдан Рәсәйҙә Фән һәм технологиялар ун йыллығы инициативаһын тормошҡа ашырыу сиктәрендә фәнни-популяр йүнәлештәге 80-дән ашыу маршрут әҙерләнгән һәм эшләй башлаған. Турҙар мәктәп уҡыусыларынан алып өлкәндәргә тиклем киң аудитория өсөн хәҙерге фән ҡаҙаныштары, төбәктең тәбиғи һәм мәҙәни мираҫы менән фәнни белем призмаһы аша танышыу өсөн уникаль мөмкинлек аса.

Хәтерегеҙгә төшөрәбеҙ, Президент Владимир Путин ҡушыуы буйынса Рәсәйҙә заманса кампустар селтәре булдырыла. 2030 йылға илдә 25 кампустан торған селтәр барлыҡҡа килергә тейеш. Был йүнәлеш буйынса эште Рәсәй Федерацияһы Хөкүмәте һәм Рәсәй Мәғариф һәм фән министрлығы алып бара. Әлеге ваҡытта «Йәштәр һәм балалар» милли проекты ярҙамында 24 ошондай студент ҡаласығы проектлана һәм төҙөлә. 2036 йылға кампустар һаны 40-ҡа тиклем артасаҡ.

Башҡортостан заманса кампустар селтәрен булдырыу буйынса федераль проект тормошҡа ашырылған Рәсәйҙең пилот төбәктәренең береһе булды. Өфөлә Евразия ғилми-белем биреү үҙәгенең вуз-ара студенттар кампусының беренсе сираты 2024 йылдың февралендә асылды.

Сығанаҡ: https://campusufa.ru/news/1618

Беҙҙең МАХ каналына https://max.ru/gazetabashkortostan ҡушылығыҙ!