"Был ҡот осҡос хәлдән һабаҡ алырға тейешбеҙ"

Сәфәр барышында төбәк министрҙар кабинеты етәксеһе зыян күреүселәр ятҡан шарттарҙы тикшерҙе, шулай уҡ медицина персоналынан ауырыуҙарҙың хәлен белеште.

— Граждандарыбыҙҙың ғүмере һәм һаулығы - һәр ваҡыт өҫтөнлөклө бурыс. Тикшереүселәрҙең бер нисә фаразы бар, улар барыһын да асыҡлай. Хәҙер табиптарға барыһын да аяҡҡа баҫтырыу бурысы тора, – тине Андрей Назаров.

Бөгөнгә медицина учреждениеһында өс зыян күреүсе дауалана. Барыһына ла квалификациялы медицина ярҙамы күрһәтелә.

– Бындай хәл ҡабатланмаһын өсөн барыһын да эшләйәсәкбеҙ, әммә беҙҙең өсөн иң мөһиме – һаулығығыҙ. Хәҙер һеҙҙе дауалау, аяҡҡа баҫтырыу, һуңынан реабилитациялау, тулыһынса һауығыу бурысы тора. Ҡалған мәсьәләләр хәл ителәсәк, - тип һыҙыҡ өҫтөнә алды Андрей Назаров зыян күреүселәрҙең береһе менән әңгәмәлә.

Үҙенең социаль селтәрҙәге сәхифәләрендә Премьер-министр: "Был ҡот осҡос хәл барыбыҙға ла һабаҡ булһын. Бының өсөн етди саралар күрәбеҙ. Ремонтлау ҡаласығы артабан айырым, ситтә буласаҡ", - тип яҙҙы.

Андрей Назаров төбәк Һаулыҡ һаҡлау министрлығына бөтә зыян күреүселәрҙең хәлен даими күҙәтергә, уларҙы дауалау сифатын тикшерергә, шулай уҡ ғаиләләргә кәрәкле психологик ярҙам күрһәтергә ҡушты. Башҡортостан Республикаһы Хөкүмәте Премьер-министры, төбәк етәкселеге хәлде шәхси контролдә тотоуын дауам итә, тип билдәләне.

Сығанаҡ: https://pravitelstvorb.ru/news/27303/