Ураҙа байрамы алдынан төндә мәсет янған

Рәсәй Ғәҙәтән тыш Хәлдәр министрлығының Баш идаралығынан хәбәр итеүҙәренсә, 10 апрелгә ҡарай төндә Бүздәк районының Иҫке Боғаҙы ауылында ағас мәсет янған. 

Ҡотҡарыусылар килгәндә 10 метр бейеклегендә, 4х9 метр ҙурлығындағы манараһы булған мәсет бинаһын ут ялмап алған була. Утты һүндерәләр, һәләк булған һәм зыян күргән кешеләр юҡ, Хоҙай үҙе аралағандыр. Янғын сәбәптәре асыҡлана.

Хөрмәтле дуҫтар, янғын хәүефһеҙлеге ҡағиҙәләрен теүәл үтәгеҙ:

• бер розеткаға бер юлы күп электр приборҙарын ҡуймағыҙ;
• төндә электр йылытыу приборын ҡабыҙмағыҙ;
• бары тик төҙөк электр ҡорамалдарын ғына ҡулланығыҙ;
• йортоғоҙҙа төтөн һәм янғын тураһында хәбәр иткән автономлы иҫкәртеү ҡорамалын урынлаштырығыҙ.

Фото: https://t.me/mchsrb01/7378