Салауат ҡалаһында хәлдәр нисек?

Бөгөн, 26 ноябрҙә,  интернетта төнгә ҡарай Салауат ҡалаһына БПЛА һөжүм иткән тигән хәбәр таралды. Ҡайһы бер Телеграм каналдар ҡала халҡының атыш тауыштарын, сирена геүләүен ишетеүе, ҡалалағы "Газпром" предприятиеһы өҫтөндә БПЛА осоп йөрөүен күреүе тураһында яҙҙылар. 

Был хәлгә Ғәҙәттән тыш хәлдәр буйынса дәүләт комитеты аңлатма бирҙе. Хәүеф һәм ҡуҙғыу өсөн бер сәбәп тә юҡ, предприятие ғәҙәти режимда эшләй, бер ниндәй ҙә БПЛА һөжүме булмаған. Бары тик предприятие өҫтөнән ауыл хужалығы авиацияһы самолеты осоп үткән. 

Фото: видеонан скриншот.