Мутлашыусыларға нисек ҡаршы торорға?

Һуңғы ваҡытта енәйәтселәрҙең телефон аша мессенджерҙарҙан йәки шылтыратып кешеләрҙе законһыҙ ғәмәлдәргә йәлеп итеү, диверсияларға, яндырыуҙарға этәреү осраҡтары йышайған. Мутлашыусыларҙың схемалары күбеһенсә бер төрлө: улар банк йәки махсус хеҙмәттән тип үҙҙәрен таныштыра, махсус операцияны үткәреүҙә ярҙам итеү һылтауы менән уларҙың күрһәтмәһен үтәүҙе талап итә йәки ҙур бүләк тәҡдим итә.

Енәйәтселәр мөмкин булған ысулдарҙы ҡуллана: шәхси мәғлүмәттәр, һаҡлыҡ аҡса тураһында мәғлүмәткә алдан уҡ эйә була, уларҙы үҙләштерә, кредит алырға мәжбүр итә. Артабан мәғлүмәт шантаж һәм хәүефле күрһәтмәләрҙе үтәүгә нигеҙ була. Шикле кешеләр менән аралашмаҫҡа һәм бындай осраҡтар тураһында хоҡуҡ һаҡлау органдарына хәбәр итергә кәңәш итәбеҙ. Ашығыс хеҙмәттәрҙең номерҙарын, шулай уҡ балаларҙы енәйәт эшмәкәрлегенә йәлеп итеүҙән һаҡларға ярҙам иткән ғәмәлдәрҙе карточкаларҙа уҡығыҙ.