Радий Юлъяҡшин аварияға осраған

Башҡорт йырсыһы Радик Юлъяҡшин (Элвин Грей) саҡҡа иҫән ҡалған. Ул үҙенең соиаль селтәрендә бәйләнешкә сығып, юл-транспорт ваҡиғаһына тарыуы тураһында һөйләгән. 

Артистың машинаһының тәгәрмәсе шартлаған. Һәм саҡ юлдан алып ташламаған. Мөғжизә менән иҫән ҡалдым, тигән ул. 

Радик ныҡ ҡурҡҡанын хәбәр иткән: «Минең менән беренсегә шулай булды. М12 трассаһында ҙур тиҙлектә китеп барғанда тәгәрмәсем шартланы. Бампер ҙа ысҡынды. Рулде саҡҡа бороп өлгөрҙөм».

Әйткәндәй, Юлъяҡшиндың машинаһы ҡышҡы тәгәрмәстә булған. Ә ул йомшағыраҡ. Ҡышҡыһын йәйге резинала йөрөү ҡурҡыныс булған кеүек, йәй ҙә ҡышҡы резинала йөрөү хәүефле.

Йырсы юл хеҙмәтен саҡырта. Улар килеп тәгәрмәсен алмаштырып, ярҙам итеп ебәрәләр.

Иғтибар: водитель, ҡышҡы тәгәрмәсеңде алмаштыр!

Фото: видеонан скриншот.