Һыуытамы тиһәк...

Бөгөн, 15 декабрь, төндә -14...-19, ҡайһы бер райондарҙа -20...-25 градус һалҡын күрһәтте, көндөҙ -11...-16. Айырым райондарҙа ҡар яуа.

Дүшәмбе, 16 декабрь, ҡар яуа. Һауа температураһы  тәүлек әйләнәһенә -2...-7 градуста тирбәлә. Ел көньяҡтан, талғын.

Шишәмбе, 17 декабрь, шулай уҡ ҡар яуыуы күҙаллана. Тәүлек әйләнәһен -4 градус һәм түбәнерәк. Ел көньяҡтан, талғын.

Шаршамбы, 18 декабрь, төндә -6 градус, көндөҙ -4 градус һалҡын. Еүеш ҡар яуа. Ел көньяҡ-көнбайыштан, талғын.

Кесаҙна, 19 декабрь, бер аҙ һыуыта. Көндөҙ -6 градус, төндә -8. Төшкә тиклем яуым-төшөм һиҙелерлек булмаһа ла, кискә табан көсәйә төшә.

Йома, 20 декабрь, һирәк-һаяҡ ҡар яуа. Һауа температураһы  -8...-10 градус булыр тип күҙаллана. Ел көньяҡ-көнбайыштан, талғын.

Киләһе ял көндәренә тағы йылыта. Шәмбе, 21 декабрь, төндә -6 градус, көндөҙ -  -3.  Ел көньяҡтан, талғын. Республиканың бар төбәктәрендә лә ҡар яуа, тип фаразлай синоптиктар.

Йәкшәмбе, 22 декабрь, һауа температураһы -1 градус күрһәтә... Ҡар боҙло ямғырға әйләнә. Ел көньяҡтан талғын.

Бына шундай үҙгәреүсән һауа торошо көтөлә. Юлдарҙа боҙлауыҡ, һаҡ булығыҙ.

Ләйсән Үтәғолова фотоһы.