Байрамда һауа торошо ҡыуандырамы?

Башҡортостанда, синоптиктар фаразлауынса, 30 декабрь ҡар яуа. Юлдарҙың айырым участкаһында төндә һәм таңда томан төшөп, күреүсәнлекте 500-1000 метрға тиклем кәметә.Төндә һауа температураһы -8...-11 градус, аяҙайтҡанда, -16...-21 градусҡаса төшөүе ихтимал, ә көндөҙ -5...-10 градус.

Быйылғы һуңғы көндә, 31 декабрҙә, аяҙлы-болотло, кискә табан ҡар яуыуы һәм 4 ғинуарға тиклем бер төрлө һауа торошо тороуы күҙаллана. Синоптиктар юлдарҙа боҙлауыҡ булыуы тураһында иҫкәртә, һаҡ булығыҙ.

Яңы йыл төнөндә, 1 ғинуарға ҡарай,  -3...-5 градус, ә көндөҙ -1 градусҡаса йылыта, ҡар яуа.

2 ғинуарҙа ла ҡар яуыуы күҙаллана. Айырым райондарҙа көслө ел, буран. Төндә -2...-7 градус, аяҙайтҡанда -12. Көндөҙ – 0...-6 градус һалҡын.

3,4 ғинуарҙа ла көслө ел иҫә, урыны менән һепертмә буран сығыуы көтөлә.

Юлдағылар, иғтибарлы булығыҙ, имен-һау йөрөгөҙ!

Розалина Моратшина фотоһы.