Бер айға иртәрәк

Подряд ойошмаһы объектты июнь аҙағына тиклем файҙаланыуға тапшырырға планлаштыра. Урау юл урамынан Яңы урамға тиклем 280 метр оҙонлоҡтағы участкала бордюрҙар ҡуйыла һәм юл япмаһы тигеҙләп һалына башлай. Унан тыш асфальт-бетон япма яңыртыла, термопластиктан билдәләр ҡуйыла.

- Был урамды ремонтлау йыл әйләнәһенә спорт менән шөғөлләнгән «Стәрлетамаҡ-Арена» спорт комплексына хәүефһеҙ юл йөрөүҙе тәьмин итәсәк, – ти Башҡортостан республикаһының Транспорт һәм юл хужалығы министры вазифаһын башҡарыусы Любовь Минакова. Быйыл был урамды ремонтлауға 10,1 миллион һум йүнәлтеләсәк.

Хәтерегеҙгә төшөрәбеҙ,  Стәрлетамаҡта «Хәүефһеҙ сифатлы юлдар»  милли проекты сиктәрендә дөйөм оҙонлоғо 7 саҡрымдан ашыу 12 юл участкаһын ремонтлау күҙаллана. «Хәүефһеҙ сифатлы юлдар» милли проекты Рәсәй Транспорт министрлығы тарафынан «2030 йылға тиклемге осорға Рәсәй Федерацияһын үҫтереүҙең милли маҡсаттары һәм стратегик бурыстары тураһында» («О национальных целях и стратегических задачах развития Российской Федерации на период до 2030 года») Президент Указы положениеларын үтәү маҡсатында әҙерләнгән. Милли проекттың масштабы бөтә илде тиерлек үҙ эсенә ала. Унда Рәсәйҙең 84 субъекты ҡатнаша.