Нахимов урамында эштәр тамам

Ошо көндәрҙә эштәр тамамланды. Унда быйыл 7,36 саҡрым оҙонлоҡтағы 12 юл норматив хәлгә килтерелде. Шулай уҡ Артем урамы буйлап “т” хәрефен хәтерләткән юл киҫелешендә “аҡ ай” һүрәте ҡуйылған өҫтәлмә мәғлүмәт биргән тәүге светофор эшләй башланы.

Эш 0,73 км оҙонлоҡтағы юл участкаһын норматив хәлгә килтереүгә ҡайтып ҡалды. Юлсылар асфальттың тигеҙләүсе һәм өҫкө ҡатламдарын яңыртҡан, иҫке бетон бордюрҙарҙы гранитҡа алмаштырған, термопластиктан билдәләр ҡуйған. Халыҡтың аҙ хәрәкәтсән төркөмдәренә инеү мөмкинлеген тәьмин итеү маҡсатында йәйәүлеләр үткәүелдәрендә борт таштарын төшөрөү буйынса эштәр башҡарылған, йәйәүлеләр үткәүелдәренә яҡынлашыуҙа насар күргән кешеләр өсөн юл-тактиль контраст күрһәткестәре ҡуйылған.

Стәрлетамаҡта «Хәүефһеҙ сифатлы юлдар» милли проектын тормошҡа ашырыу 2019 йылда башланды. Был ваҡыт эсендә 70 км оҙонлоғондағы 80-дән ашыу ҡала юлы ремонтланды, ике ҡулсалы юл сиселеше реконструкцияланды һәм ер аҫты йәйәүлеләр үткәүеле ремонтланды. Транспорт-эксплуатация күрһәткестәренә норматив талаптарға тап килгән юлдар оҙонлоғо өлөшө күрһәтелгән осорҙа 37,8 проценттан 77,7 процентҡа тиклем артты.

Әйткәндәй, әлеге эштәр ил Президенты Владимир Путиндың "Май указдары"на ярашлы башҡарылды.