Яңы дәрт, идеялар менән ҡайттылар

Һамарҙа үткән сара "Экологик именлек" милли проекты (нацпроект "Экологическое благополучие") ярҙамы менән ойошторолған. Форумдың төп маҡсаттары - экологик мәҙәниәтте үҫтереү, Рәсәйҙең тәбиғәт байлыҡтарын һаҡлау, тирә яҡ мөхиткә ҡарата аңлы һәм яуаплы мөнәсәбәткә күберәк граждандарҙы йәлеп итеү.

Сара сиктәрендә стратегик сессиялар, оҫталыҡ дәрестәре, дискуссиялар, фекер уртаҡлашыуҙар уҙғарыла. ‎ Башҡортостан исеменән унда "Таҙа уйындар" Бөтә Рәсәй проектының төбәк координаторы Альбина Дойникова һәм көнкүреш ҡалдыҡтарын айырым йыйыуҙы популярлаштырыусы, ирекмән Айгөл Хөсәйенова ҡатнашты. ‎

- Бындай юғары кимәлдәге сарала ҡатнашыу һәр ваҡыт эш өсөн яңы импульс бирә. Беҙ фекерҙәштәребеҙҙең дәрте менән тулыландыҡ, шулай уҡ район-ҡалаларыбыҙҙа "Таҙа уйындар"ҙы тағы ла ҡыҙыҡлыраҡ һәм файҙалыраҡ уҙғарыу яңы идеялар тупланыҡ, - тип билдәләне ‎ Альбина Дойникова.

Иҫегеҙгә төшөрәбеҙ, милли проекттар РФ Президенты Владимир Путиндың ҡарары менән тормошҡа ашырыла. 

Фото: Тәбиғәттән файҙаланыу һәм экология министрлығы.