Барыһы ла ГТО-нан башлана

Октябрьский ҡалаһында ГТО фестивале үткәрелде. Сара “Беҙ ГТО-нан башлайбыҙ!” тигән девиз аҫтында үтте. Унда 21 балалар баҡсаһынан 209 бала ҡатнашты.

Мәктәпкә тиклем белем биреү  ойошмалары тәрбиәләнеүселәре  араһында ГТО (Хеҙмәткә һәм оборонаға әҙер!) Бөтә Рәсәй физкультура-спорт комплексының ҡала фестивале Октябрьский ҡалаһында “Рәсәй спорты” дәүләт программаһы (государственная программа “Спорт России”) буйынса ойошторолдо, тип хәбәр иттеләр Октябрьский ҡалаһы хакимиәтенән.

Тестар йәш спортсылар йәшенә ҡарап билдәләнгәйне. Еңеүселәрҙе бүләкләү тантанаһы 25 декабрҙә Октябрьский ҡалаһындағы  ГТО (“Оборонаға һәм хеҙмәткә әҙер!”) Бөтә Рәсәй физкультура-спорт комплексының муниципаль тест үткәреү комплексында  үткәрелә. Ҡатнашыусыларға дипломдар һәм миҙалдар тапшыралар, уларҙың һөҙөмтәләрен дөйөм мәғлүмәттәр базаһына индерәләр. Улар нигеҙендә значоктар бирелә.

“Рәсәй спорты” дәүләт программаһы физик әүҙемлек менән шөғөлләнеү өсөн шарттар тыуҙырыу, күп кеше ҡатнашҡан спортты популярлаштырыу һәм Рәсәй халҡы тормошон яҡшыртыуға йүнәлтелгән. Илдә инфраструктура киңәйтелә, күп кеше ҡатнашҡан спорт саралары үткәрелә, Бөтә Рәсәй “Хеҙмәткә һәм оборонаға әҙер!” Бөтә Рәсәй физкультура-спорт комплексы тормошҡа ашырыла, шулай уҡ балаларҙың күнекмәләр үткәреүе өсөн яңы мөмкинлектәр барлыҡҡа килә. Программа Рәсәй Федерацияһы Президенты ҡарары менән 2025 йылдан тормошҡа ашырыла.

Сығанаҡ: Октябрьский ҡала хакимиәте; фото: “Башҡортостан” ДТРК-һы.

Беҙҙең МАХ каналына https://max.ru/gazetabashkortostan ҡушылығыҙ!