Йәнтөйәгебеҙ тарихын яҡшы белгән өсөн

Башҡорт дәүләт медицина университетының беренсе курс студенты Флорид Алтынсурин “Тыуған яғымдың урындағы үҙидара тарихы” тигән Бөтә Рәсәй конкурсында еңеү яуланы.

“Йәштәр һәм балалар” милли проекты (национальный проект “Молодежь и дети”) патриотик рухтағы төрлө проекттарҙа, программаларҙа ҡатнашыусы йәштәргә ҙур ярҙам күрһәтә. Был турала юғары уҡыу йортонда хәбәр иттеләр.

Конкурста ҡатнашыусылар урындағы урындағы үҙидара темаһына эссе-тикшеренеү эше башҡарырға тейешле була. Дауалау факультеты студенты Флорид Алтынсурин медицина, һаулыҡ һаҡлау үҫеше өлкәһендә Өфө губернаһы эшен анализлай. Студенттың ғилми етәксеһе - БДМУ-ның философия кафедраһы доценты Вәлиә Ҡотошова.

Жюри составына ҡануниәт власы вәкилдәре, төҙөүселәр, торлаҡ-коммуналь хужалыҡ белгестәре инә. Барлығы 40 номинацияла 600-ләп еңеүсе билдәләнә.

Милли проекттар Рәсәй Президенты Владимир Путиндың ҡарары буйынса тормошҡа ашырыла.

Автор фотоһы.