Үҙҙәрен кәм тоймаһындар

Өфөләге “Торатау” конгресс-холының “Юрта” конференц-залында Башҡортостан Хөкүмәте менән “Мөмкинлектәр тиңлеге” Хәйриә фонды араһында хеҙмәттәшлек тураһындағы килешеүгә ҡул ҡуйылды.

Уның алдынан ошо Фондтың “Мөмкинлектәр тиңлеге. Йәмғиәттең айырым мохтажлыҡҡа эйә булған кешеләргә ҡарата түҙемле мөнәсәбәтенн булдырыу” тигән проектын беҙҙең республикала тормошҡа ашырыу шарттары буйынса фекер алышыу уҙғарылды. Был “түңәрәк өҫтәл”де Башҡортостан Башлығы вазифаһын ваҡытлыса башҡарыусы Радий Хәбировтың ҡатыны Каринэ Хәбирова асты.