Йылмайырмы тағы көҙөбөҙ?

Синоптиктарҙың бөгөнгә мәғлүмәттәренә килгәндә, 29 сентябрҙә көн алмашыныусан болотло буласаҡ. Урыны менән бер аҙ ямғыр ҡатыш ҡар яуыуы ихтимал. Иртәнсәк юлдарҙа боҙлауыҡ – һаҡ булығыҙ. Ел төньяҡ-көнбайыштан, секундына 5-10 метр тиҙлектә иҫә. Һауа температураһы көндөҙ – 4-9 градус йылы.

Иртәгә, 30 сентябрҙә, яуым-төшөм көтөлмәй. Ел көньяҡ-көнбайыштан талғын. Һауа температураһы төндә 4 градус һалҡындан 1 градус йылыға тиклем. Көндөҙ – 6-11 градусҡаса йылыта.

1 октябрҙә Башҡортостандың күпселек райондарында яуым-төшөм көтөлмәй. Төньяҡ-көнбайышта ғына аҙыраҡ булыр. Ел көньяҡ-көнбайыштан талғын, көндөҙ ҡапыл иҫәсәк. Һауа температураһы төндә – 3 градус һалҡындан 2 градусҡаса йылы, көндөҙ – +7-12 градус.