Йәй ҙә, йылы көндәр ҙә хушлаша...

Белем көнөндә республика биләмәһендә яуым-төшөмһөҙ һауа торошо көтөлә, тип вәғәҙә итә синоптиктар. Көндөҙгө һауа температураһы +26-28 градус, төндәгеһе +14-16 градус тәшкил итәсәк.

3 сентябрҙән көндәр ҡапыл һыуыта башлаясаҡ. Төндәге һауа температураһы +4-6 градусҡаса төшәсәк, көндөҙ +15-17 градустан артмай, көньяҡ һәм көньяҡ-көнсығыш райондарҙа +20-ҡа тиклем. Көндәр һалҡынайтыуға ҡарамаҫтан, аҙна дауамында оҙайлы яуым-төшөм көтөлмәй. Бары тик йома (4 сентябрь) һәм шәмбелә (5 сентябрь) урыны менән ҡыҫҡа ваҡытлы ямғыр яуасаҡ.

Аҙна аҙағына табан таулы райондарҙа төндәрен һауа температураһы +2 градус тәшкил итеп, ҡырау төшөү ҡурҡынысы барлыҡҡа киләсәк, тип иҫкәртә синоптиктар.

Фото: i.mycdn.me