+21 °С
Болотло
Новости
23 Декабрь 2020, 10:15
Яңы йылды аҡсаһыҙ ҡаршыларға тура килмәгәйе...
Яҡындарыбыҙҙы, балаларыбыҙҙы бүләктәр, күстәнәстәр менән ҡыуандырырға, байрамды иҫтә ҡалырлыҡ итеп үткәрергә ғәҙәтләнгәнбеҙ.
Нисек кенә булмаһын, Яңы йыл байрамы – һәр кем өсөн көтөп алынған күңелле ғаилә байрамы. Яҡындарыбыҙҙы, балаларыбыҙҙы бүләктәр, күстәнәстәр менән ҡыуандырырға, байрамды иҫтә ҡалырлыҡ итеп үткәрергә ғәҙәтләнгәнбеҙ. Тик эш хаҡын түләүҙе көткән 9 240 хеҙмәткәр байрамды ниндәй кәйеф менән ҡаршылар?
Дәүләт хеҙмәт инспекцияһы мәғлүмәттәренә ҡарағанда, 2020 йылдың 1 декабренә республикала эш хаҡы буйынса бурыс 717 миллион һумдан ашҡан. 123 предприятие хеҙмәткәре эш хаҡын түләүҙе көтә. Дөйөм бурыстың 67 проценттан ашыуы бөлгөнлөккә төшкән ойошмаларға тура килә.
Йыл башынан ҡабул ителгән саралар һөҙөмтәһендә эш хаҡы буйынса 428 миллион һумлыҡ бурыс 149 ойошма эшсеһенә түләтелде.
Фото: prodistillyat.ru
ДУҪТАР! Һеҙҙең был яңылыҡҡа бәйле фекерегеҙҙе беҙҙең социаль селтәрҙәрҙәге төркөмдәребеҙҙә белдерергә саҡырабыҙ:
