Башҡортостан халҡы ең һыҙғанып картуф ултыртып, башҡа баҡса эштәре менән кинәнгәндә, Сведловск өлкәһендә урыны менән ҡар яуған.
Ҡар өлкәнең Карпинск, Серов һәм Краснотурьинск ҡалаларында яуған. Ә бына төбәктең баш ҡалаһы Екатеринбургта, метеорологтар белдереүенсә, ҡар түгел, әлегә ямғыр ҙа көтөлмәй.
Ә беҙҙә синоптиктар күҙаллауынса, аяҙ көндәрҙе ямғырлы көндәр алмаштырасаҡ. 1 майҙа республиканың төньяҡ райондарында бер аҙ ямғыр яуыуы көтөлә. Ел көньяҡ-көнсығыштан, көнсығыштан талғын, көндөҙ урыны менән көслө. Һауа температураһы төндә 7-12 градус, көндөҙ 21-26 градус йылы.