Благовещенда яңы коррекция балалар баҡсаһы төҙөләсәк

Был - муниципалитеттың иң боронғо мәктәпкәсә учреждениеһы, ул 1927 йылда ойошторолған. Төбәк етәксеһе балаларҙың дәрестәре һәм ялы өсөн бүлмәләрҙе, логопед һәм психолог кабинетын, сенсор бүлмәһен ҡараны, шулай уҡ тәрбиәселәр менән аралашты. Балалар баҡсаһы мөдире Татьяна Багаева учреждениеның матди-техник базаһын яңыртыу кәрәклеге хаҡында һөйләне.

- Мәктәпкәсә төркөм тәрбиәләнеүселәре революцияға тиклемге 70 урынға иҫәпләнгән ике бинала шөғөлләнә. Быйылғы уҡыу йылында балалар баҡсаһына һаулыҡ мөмкинлектәре сикләнгән 91 бала, шул иҫәптән 40 инвалид бала йөрөй, - тип билдәләне Татьяна Багаева. - Учреждениеның ғорурлығы - республика Башлығы грантына йыһазландырылған сенсор бүлмәһе. Әммә балалар менән эшләү шарттары сикләнгән - уйын бүлмәләре йоҡо бүлмәләре менән берләштерелгән, музыка һәм физкультура залдары юҡ. Республикала һаулыҡ мөмкинлектәре сикләнгән кешеләр хаҡында хәстәрлек күреү йылы башланды, тип билдәләне Башҡортостан Башлығы һәм район хакимиәтенә яңы балалар баҡсаһы төҙөү өсөн проект документацияһын әҙерләргә ҡушты. Уны социаль маҡсатлы программалар Фонды аҡсаһына төҙөйҙәр.

- Иҫке биналарҙы ремонтлау маҡсатҡа ярашлы түгел, шуға күрә яңы коррекция балалар баҡсаһы төҙөйәсәкбеҙ. Балалар өсөн уңайлы шарттар булдырабыҙ. Төҙөлөштө 2025 йылда башларға планлаштырабыҙ, – тип йомғаҡ яһаны Радий Хәбиров.