Өфөлә Хәтер һәм ҡайғы уртаҡлашыу көнөндә телебашняны яҡтыртасаҡтар

22 июндә, Бөйөк Ватан һуғышы башланған көндә, РТРС филиалының телебашняһы архитектура-художестволы яҡтыртыласаҡ.

Өфөләге телебашняның яҡтылыҡ панноһында янған шәм һүрәте фонында «22 июнь — Хәтер һәм ҡайғы уртаҡлашыу көнө» һәм «Бер кем дә онотолмаған, бер нәмә лә онотолмаған» тигән яҙыуҙар барлыҡҡа киләсәк.

Яҡтыртыу урындағы ваҡыт менән 22:40 сәғәттән 24:00 сәғәткә тиклем эшләйәсәк, тип хәбәр итә РТРС-тың матбуғат хеҙмәте.

РТРС фотоһы.

Сығанаҡ: https://resbash.ru/news/obshchestvo/2025-06-20/v-ufe-podsvetyat-telebashnyu-v-den-pamyati-i-skorbi-4283750