Йөрәгеңде йәш саҡтан һаҡла!

27 октябрҙә -  2 ноябрҙә Рәсәйҙең Һаулыҡ һаҡлау министрлығы Инсульт менән көрәш аҙналығын үткәрә.

Һаулыҡ һаҡлау министрлығы хәбәр итеүенсә, 27 октябрҙә -  2 ноябрҙә Рәсәйҙең Һаулыҡ һаҡлау министрлығы Инсульт менән көрәш аҙналығын үткәрә.

Баш мейеһендә киҫкен ҡан әйләнеше боҙолоуы менән барған, туҡымаларҙы һәләк иткән һәм нервы системаһын зарарлаған  ауыр сир ул  – инсульт. Уның төп билдәләре:

-баш әйләнеүе, тигеҙлек һәм хәрәкәт координацияһы боҙолоуы;

-тәндең ойоуы, хәлһеҙлек йәки тәндең бер яғын фалиж һуғыуы;

-күҙ алды ҡараңғыланыуы, әйберҙәрҙең ҡуш булып күренеүе йәки тоноҡланыуы;

-баштың кинәт ярылып килгәндәй ауыртыуы.

Инсульт теләгән бер кешене, йәшенә-ҡартына айырып тормай, йығыуы мөмкин. Хәүеф факторҙары:

-юғары артериаль ҡан баҫымы;

-холестерин юғарылығы;

-артыҡ тән ауырлығы һәм һимеҙлек;

-диабет;

-йөрәк-ҡан тамырҙары сирҙәре ;

-тәмәке тартыу;

-наркотиктар менән мауығыу;

-алкоголле эсемлектәр ҡулланыу.

Төп талап – сәләмәт тормош менән йәшәү. Артериаль ҡан баҫымығыҙҙы белегеҙ һәм тикшереп тороғоҙ. Тәмәке тартыуҙы ни тиклем иртәрәк ташлаһағыҙ, аш-һыуға тоҙҙо аҙыраҡ һалырға тырышығыҙ, консерва һәм ярымфабрикаттарҙан баш тартығыҙ. Ҡандағы холестерин кимәлен контролләгеҙ. Өҫтәлегеҙҙән йәшелсә, еләк-емеш өҙөлмәһен. Шәкәр һәм мал майы менән мауыҡмағыҙ, алкоголле эсемлектәр һеҙҙең сәләмәтлек файҙаһына түгел. Спорт менән даими шөғөлләнегеҙ. Саф һауала йәйәү йәки велосипедта  йөрөү йөрәк-ҡан тамырҙары сирҙәрен, шул иҫәптән инсульт хәүефен дә кәметә, тигән кәңәш бирә табиптар.

Нефтекама дауаханаһы табип-неврологы һәм неврология бүлексәһе мөдире Айҙар Кәримов инсульттың тәүге билдәләре тураһында һөйләне һәм: “Күреү һәләтенең дә боҙолоуы ихтимал. Ҡайһы бер саҡта баштың ҡапыл ныҡ ауыртыуы, кешенең ҡоҫҡо килеүе ихтимал”, - тип белдерҙе ул.

Фото: Айрат Нурмөхәмәтов.