Рәсәй Федерацияһының Дәүләт Думаһы Рәйесе Вячеслав Володин ТГ-каналында Луганск һәм Донецк халыҡ республикаларының, Херсон һәм Запорожье өлкәләренең Рәсәй составына ҡушылыуы айҡанлы уҙғарылған референдумдың яҡынса һөҙөмтәләрен хәбәр итте.
Луганск Халыҡ Республикаһы – 98,42, Донецк Халыҡ Республикаһы – 99,23, Херсон өлкәһе – 87,05, Запорожье өлкәһе халҡының 93,11 проценты Рәсәйгә ҡушылырға теләк белдергән.
– Ҡабул ителгән ҡарар миллионлаған кешеләрҙе геноцидтан ҡотҡара. Беҙгә бергә киләсәккә пландар төҙөү мөмкинлеген бирә, – тип яҙа Вячеслав Володин.
Белеүебеҙсә, Луганск һәм Донецк халыҡ республикаларының, Херсон һәм Запорожье өлкәләренең Рәсәй составына ҡушылыуы буйынса рефендум 23 – 27 сентябрҙә үтте.
Фото: “Башинформ” мәғлүмәт агентлығы сайтынан алынды.