Яугирҙәребеҙҙең яҡындарын бәләлә ҡалдырмайбыҙ

Башҡортостан Башлығы Радий Хәбиров 2023 йылдың 13 мартында Сибай ҡалаһында эшләй башлаған махсус хәрби операцияла ҡатнашыусыларға һәм уларҙың ғаиләләренә ярҙам итеү үҙәгендә булды.

Сибай хакимиәте башлығы Азамат Юлдашбаев үҙәктә гуманитар ярҙам ҡабул итеүҙәре хаҡында һөйләне. Уны һаҡлау өсөн айырым бина йыһазландырылған. Үҙәктә льготалар биреү буйынса көнүҙәк мәғлүмәт менән стендтар, шулай уҡ эшҡыуарҙар һәм ойошмалар тураһында мәғлүмәт урынлаштырылған. Үҙәк белгестәре халыҡтың 30-ҙан ашыу мөрәжәғәтен алды, барыһына ла аңлатма бирҙе йәки тейешле ярҙам күрһәтте.

 - Ошондай үҙәктәр республиканың башҡа ҡалаларында ла эшләй, - тип билдәләне Башҡортостан Башлығы. - Беҙ был системаны яңы ғына йәйелдерә башланыҡ. Беләм, был, тәү сиратта, юғары хәрби округта ҡатнашыусыларҙың ғаиләләре өсөн бик кәрәк, – тип һыҙыҡ өҫтөнә алды Радий Хәбиров. - Сибайҙа эш яҡшы ойошторолған. Үҙәк базаһында шулай уҡ махсус хәрби операцияла ҡатнашыусыларға һәм һәләк булған хәрбиҙәрҙең ғаиләләренә ярҙам итеү федераль фонды филиалы асыласаҡ, бында социаль координаторҙар эшләйәсәк төп бурыс – яугирҙәребеҙҙең ғаиләләрен бәләлә ҡалдырмау.

Ярҙам итеү үҙәгендә төбәк етәксеһе һәләк булған хәрбиҙәр - Александр Косарев, Илсур Йәньюлдашев, Марсель Нурасов, Вадим Сәлихов, Ғайса Баянов, Евгений Старцев һәм Марат Мәхийәновтың ғаилә ағзалары осрашты. Радий Хәбиров геройҙарҙың туғандарының һәм яҡындарының ауыр ҡайғыһын уртаҡлашты һәм, Башҡортостан һәләк булған яугирҙәрен һәр ваҡыт хәтерләйәсәк, тине. Төбәк башлығы Ватанды һаҡлап һәләк булған яугирҙәрҙең яҡындарына Батырлыҡ һәм генерал Шайморатов орденын тапшырҙы.

Еңеү паркында Радий Хәбиров ҡыҫҡа ваҡытҡа ялға ҡайтҡан яугирҙәр менән осрашты. Махсус хәрби операцияла ҡатнашҡан егеттәр ғаиләләренә ярҙам итеп торған өсөн төбәк башлығына рәхмәтен белдерҙе. Ә Радий Хәбиров уларға ғаиләләрендә яҡшы ял итеүҙәрен теләне.

Фото интернеттан.

https://glavarb.ru/rus/press_serv/novosti/164332.html