Беҙҙең бурыс – 2030 йылға ошо эште тамамлау

Ҡырмыҫҡалы районына эш сәфәрендә Башҡортостан Башлығы Радий Хәбиров 2025 йылда “Оҙайлы әүҙем ғүмер” милли проектына ярашлы һалынған Олокүл табип амбулаторияһында  булды.

Бында күрше ауылдарҙағы 4,9 мең кешегә, шул иҫәптән 700-ҙән ашыу балаға медицина ярҙам күрһәтелә. Амбулаторияла көндөҙгө стационар, процедуралар һәм прививкалар кабинеттары, шулай уҡ терапевт, педиатр, акушер-гинеколог һәм стоматолог бүлмәләре эшләй. Медицина учреждениеһы республика дауаханалары менән үҙ-ара эш итә.

Төбәк етәксеһе амбулаторияны ҡарап сыҡты, персонал менән аралашты.

– Федераль ярҙам менән ошондай амбулаторияларҙы һәм ФАП-тарҙы бөтә республика буйынса төҙөйбөҙ. Байтаҡ эш башҡарылды, әммә яңыртыуға мохтаж булған ауыл медицина учреждениелары бар әле. Беҙҙең бурыс – 2030 йылға ошо эште тамамлау, - тине Радий Хәбиров.

Фото: Башҡортостан Башлығы сайтынан.