Атыш бармы, алыш бармы?

Көйөргәҙеләр халҡыбыҙҙың бөйөк улы Кинйә Арыҫланов менән хаҡлы рәүештә ғорурлана, уның иҫтәлегенә төрлө саралар уҙғара, йәш быуынға тарих дөрөҫлөгөн еткерә, уларҙа илһөйәрлек рухы тәрбиәләй.  Ошо маҡсатта 21 сентябрҙә Кинйә-Абыҙ ауылында батыр иҫтәлегенә арналған традицион уҡ атыу буйынса II асыҡ турнир үткәрелә. Сара сәғәт 11-ҙә башлана, регистрация сәғәт 10-дан.

 “Үткәндәр менән ғорурланып ҡына йәшәү етмәй, ә ата-бабаларыбыҙҙан ҡалған изге мираҫты тарҡатмай, киләсәк быуынға еткереү – төп бурысыбыҙ. Кинйә Арыҫланов иҫтәлегенә уҙғарылған турнирҙа 17 йәшкә тиклемге егет һәм ҡыҙҙар һәм 17 йәштән өлкән ир-егеттәр һәм ҡатын-ҡыҙҙар ҡатнаша ала. Спорт ярыштарында ҡатнашыу тарихи костюмдарҙа булған осраҡта ғына рөхсәт ителә”, - ти район хакимиәте башлығы урынбаҫары Данил Акилов.

Ғаризалар 16 сентябргә тиклем foksokol@mail.ru электрон почтаға ҡабул ителә. Турнирҙың шарттары менән тулыраҡ аҫтағы һылтанма аша танышырға була: https://vk.com/doc334570498_684291982?hash=sQ6hbTUWQOnpq732W50SIuoKFY55I6kWme32dyRttLg&dl=B7UhiBac4JRnbmhzd5r2PlcaBGQdbevO1husHTmZ9OL

6+

Фото: Марсель Ярышев.