Ирҙәр бүләккә – ат, ҡатындар һыйыр аласаҡ!

2025 йылдың 3 июленән 6-на тиклем Учалы районының Ҡотой ауылында Рәсәйҙең спорт мастеры  Ғайсар Хәлиҙәр улы Ғәлин иҫтәлегенә арналған мини-футбол буйынса VII «Олотау йыйыны» традицион фестивале үтәсәк.

*3 июлдә, командалар килгән көндә, төркөм этабы уйындары башлана.

*4 июлдә төркөм этабының дауамы.

*4 һәм 5 июлдә төп футбол матчтары менән параллель рәүештә киберфутбол буйынса III  «Олотау йыйыны» чемпионаты, аттарҙа футбол буйынса I «Олотау йыйыны» турниры (күсмә халыҡтарҙың милли уйыны «Ылаҡ») һәм волейбол буйынса I турнир үтәсәк.

*5 июлдә плей-офф уйындары.

*5 июлдә мини-футбол буйынса II «Олотау йыйыны» ҡатын-ҡыҙҙар турниры үтә.

*4 июлдә фестивалдең бөтә ҡунаҡтары ла үҙҙәрен ярыштарҙа һынап ҡарай ала:

футбол 1 x 1;

мәргәнлеккә тибеүҙәр;

туп һикертеү;

ҡулсаға ташлау;

армрестлинг;

уҡ атыу;

таш ырғытыу;

"Ауҙарыш" һыбайлылар көрәше;

дзюдо көрәше.

*5 июлдә үткәреләсәк:

футбол 1 x 1;

футбол триатлоны;

мас-рестлинг;

гер этәреү;

башҡорт биатлоны;

тауға йүгереү (Олотау тауына йүгереү);

көрәш;

ат сабышы.

*6 июлдә территорияны йыйыштырыу һәм командаларҙың ҡайтыуы.

VII «Олотау йыйыны» фестивале еңеүсеһе 300 000 һум, башҡорт тоҡомло ат һәм «Олотау йыйыны» эксклюзив күсмә кубогын аласаҡ. "Олотау йыйыны" ҡатын-ҡыҙҙар турниры еңеүсеһе 100 000 һум һәм һыйыр аласаҡ.

Урындар сикләнгән, командағыҙҙы ярышҡа тәҡдим итергә ашығығыҙ! Бөтә ғаризалар фестивалдең рәсми сайты аша ғына ҡабул ителә: olotau.ru

Ғариза бирер алдынан мотлаҡ «Олотау йыйыны» фестиваленең положениеһы менән танышығыҙ. Положение фестивалдең сайтында бар.

Әйткәндәй, беренсе БДБ илдәре командаһы заявка бирҙе лә инде - Павлодарское футбол клубы (Павлодар өлкәһе, Ҡазағстан).

Фото: Марат Бәхтийәров.