"Бишбармаҡ-шоу" яңы миҙгелен асты!

Башҡорт асыҡ КВН лигаһы "Бишбармаҡ-шоу" проектының тәүге сығарылышы ҡунаҡтары Башҡорт телен һаҡлау һәм үҫтереү фонды етәксеһе Гөлназ Йосопова һәм IT-белгес, "Һомай" тәүге башҡорт аҡыллы колонкаһы авторы Айгиз Ҡунафин булды. Уйын-көлкөгә ҡоролған был сығарылышта, һәр ваҡыттағыса, етди һорауҙарға яуап эҙләнелде.

Ҡатнашыусылар башҡорт телен популярлаштырыу, һанлаштырыу өлкәһендәге, уны үҫтереүҙә шарттар тыуҙырыу буйынса яңылыҡтар тураһында һөйләне.

Урал Кәримов һәм Илһам Ишкинин тапшырыуҙы йәнле һәм ҡыҙыҡлы итеп алып барҙы, күп һорауҙарға асыҡлыҡ индерҙе.

Мәғлүмәт сығанағы: https://vk.com/wall-38277591_9749