"Беҙгә эш бирегеҙ!"

"Балаларығыҙ аҙаҡ һеҙҙең менән идара итмәһен тиһәгеҙ, ата-әсәләр, һеҙ әле уларҙы эшкә өйрәтегеҙ!" ти видеояҙмалағы малай.

Элегерәк мәктәптәрҙә, уның ашханаһында дежурлыҡ ойошторола, уҡыусылар үҙҙәренең класс бүлмәләрен тәртиптә тота, сәскәләр үҫтерә, уҡыу йортоноң йәшелсә баҡсаһында эшләй, “Тимур командаһы” төҙөп ололарға ярҙам итә, ағас ултыртыуҙа, ауыл ерендәгеләр колхозға булышыуҙа ҡатнаша торғайны. Был күренеш ғәҙәти һаналды.

Ә хәҙерге балалар менән хәл икенсерәк. Уларҙан бигерәк ата-әсәләре ҡәҙерлеләренең ҡулына бер ниндәй эш тигеҙмәй уҡытырға теләй. Дөрөҫмө был? Юҡмы? Балаларҙың үҙҙәрен тыңлап ҡарайыҡ.

Фото: rg.ru