Ил киләсәген һайларға йәше лә, олоһо ла килгән

Мәләүез районының Смаҡ ауылы мәҙәниәт йортонда урынлашҡан 2589-сы һайлау участкаһына 923 кеше беркетелгән. Һайлауҙар өс көн барырға тейеш булһа ла, ил башлығын һайлау бурысын үтәргә беренсе көндө үк иртә таңдан килгәндәр күп. Яңауыл ауылынан Алина һәм Алик Ғиззәтуллиндар алты бала тәрбиәләй. Күп балалы әсәй “Әсәлек даны” миҙалы менән бүләкләнгән, ғаилә башлығы себер тарафтарында эшләй. Училищела белем алған Даян быйыл беренсегә һайлауҙа ҡатнаша.

 “40 йыл бергә йәшәйбеҙ, бер тапҡыр ҙа һайлауҙарҙы ҡалдырғаныбыҙ юҡ”, - ти Арыҫлан ауылында ғүмер кисергән  Зөлфирә, Фаил Таштимеровтар.

Иҫегеҙгә төшөрәбеҙ, Башҡортостанда тауыш биреү көндәрендә һайлау участоктарына килгәндәр “Бөтөн ғаилә менән” һәм “Алға, бөтөн ғаилә менән” бөтә Рәсәй һәм төбәк ғаилә конкурсы сиктәрендә 100 000-дән артыҡ приз уйнатыуҙа ҡатнаша аласаҡ. Бүләктәрҙе уйнатыуҙа ҡатнашыу өсөн всей семьей.рф сайтында теркәлергә һәм https://vk.com/algapatriot  төркөмөндә күҙәтеп барырға кәрәк.

#ВыбираемПрезидента*
*#Башкортостан*
*#БашВыбор2024*